పపువా న్యూ గినియాలో హింస.. 53 మంది హత్య

పపువా న్యూ గినియా దేశంలో గిరిజన తెగల మధ్య ఆదివారం జరిగిన హింసాకాండ ఘోర విషాదాన్ని మిగిల్చింది. కనీసం 53 మంది వ్యక్తులు హత్యకు గురయ్యారు. ఆ దేశంలోని రిమోట్ హైలాండ్స్‌ ఎంగా ప్రావిన్స్‌లో ఈ హింసాకాండ జరిగింది. అడవుల్లోకి చాలా మంది క్షతగాత్రులు పారిపోయారని పోలీసులు భావిస్తున్నారు. రోడ్లు, నదీ తీరాల్లో పడి ఉన్న మృతదేహాలను పోలీసులు ఆసుపత్రికి తరలించారు. మృతుల సంఖ్య మరింత పెరగనున్నట్లు తెలుస్తోంది.