దేశంలో గుట్టలు గుట్టలుగా నిరుద్యోగులు

గ్రామీణ ప్రాంతాల్లో దొరికే పనులు వ్యవసాయం, దాని అనుబంధ రంగాలకు చెందినవే. అవి వాన రాకడ మీద, సాగు యంత్రాల వినియోగంపైనా ఆధారపడి వుంటాయి. వర్షాలు సరిపడా కురియకపోతే ఈ పనులన్నీ గాలికి పేలపిండిలా ఎగిరిపోతాయి. అందుచేత గ్రామీణ ప్రాంతాల్లో లభించే ఉద్యోగ, ఉపాధి శాశ్వతమైనవి కావు. పని చేసి తమ కాళ్ళ మీద తాము నిలబడాలని కోరుకొంటున్నప్పటికీ అది నెరవేరని పరిస్థితులుండడమే నిరుద్యోగం. ఇటువంటి నిరుద్యోగులు దేశంలో గుట్టలు గుట్టలుగా వున్నారు.