దుగ్గొండి: అప్పుల బాధతో రైతు ఆత్మహత్య

దుగ్గొండి మండలంలో అప్పుల బాధతో రైతు ఆత్మహత్యకు పాల్పడ్డాడు. గ్రామస్థులు తెలిపిన వివరాల ప్రకారం వరంగల్ జిల్లా దుగ్గొండి మండలం వెంకటాపురం గ్రామానికి చెందిన రైతు హింగే శోభన్ బాబు(48)కు రూ. 10 లక్షల అప్పు ఉంది. దీంతో ఆయన మనస్తాపం చెంది మంగళవారం పొలం వద్ద పురుగుమందు తాగాడు. కుటుంబ సభ్యులు, పలువురు రైతులు నర్సంపేటలోని ఓ ఆసుపత్రికి తీసుకెళ్లగా చికిత్స పొందుతూ బుధవారం మృతి చెందారు.