పుణేలో పెరుగుతున్న జికా వైరస్ కేసులు

పుణేలో జికా వైరస్ కేసుల సంఖ్య 15కు చేరింది. బాధితుల్లో 8 మంది గర్భిణులు, ఓ 15 ఏళ్ల బాలుడు ఉన్నట్లు అధికారులు తెలిపారు. అతని ఆరోగ్య పరిస్థితి నిలకడగా ఉందని, వ్యాధి సోకిన గర్భిణులను వైద్యుల పర్యవేక్షణలో ఉంచినట్లు పేర్కొన్నారు. జికా వైరస్‌ సోకిన ఆడ ఎడిస్‌ దోమ కుట్టడం వల్ల ఈ వ్యాధి సంక్రమిస్తుంది. జ్వరం, దద్దుర్లు, కండరాల నొప్పులు, తలనొప్పి, గొంతు నొప్పి, దగ్గు వంటి లక్షణాలు కనిపిస్తాయి.