ధర్మవరంలో చిచ్చుబుడ్డి పేలి బాలుడికి గాయాలు

టపాసులు కాలుస్తూ బాలుడు గాయపడిన ఘటన ధర్మవరంలో గురువారం రాత్రి చోటుచేసుకుంది. ధర్మవరం పట్టణంలోని సత్యసాయి కాలనీకి చెందిన ప్రతాప్ (12) దీపావళి పండుగ రోజున చిచ్చుబుడ్డి కాలుస్తుండగా అది పేలింది. దీంతో బాలుడు గాయపడ్డాడు. కుటుంబ సభ్యులు చికిత్స కోసం ధర్మవరం ప్రభుత్వ ఆసుపత్రికి తరలించారు. అనంతరం మెరుగైన వైద్యం కోసం అనంతపురం ప్రభుత్వ ఆసుపత్రికి తీసుకెళ్లారు.