గుత్తి వద్ద రైల్లో నుంచి జారిపడి ప్రయాణికుడి మృతి

గుత్తి జీఆర్పీ పరిధిలోని తురకపల్లి సమీపంలో మల్లికార్జున అనే వ్యక్తి రైల్లో నుంచి ప్రమాదవశాత్తు కిందపడి మృతి చెందాడు. ఈ ఘటన మంగళవారం తెల్లవారుజామున జరిగిందని పోలీసులు తెలిపారు. తెలంగాణ రాష్ట్రం యాదాద్రి జిల్లా సైదాపురం గ్రామానికి చెందిన మల్లికార్జున తన కుటుంబ సభ్యులతో కలిసి బెంగళూరుకు బయలుదేరాడు. మార్గ మధ్యలో గుత్తి వద్ద రైల్లో నుంచి జారిపడి మృతి చెందాడు. జీఆర్పీ పోలీసులు కేసు దర్యాప్తు చేపట్టారు.