గార్లదిన్నె: రెండు ఇసుక ట్రాక్టర్ల పట్టివేత

గార్లదిన్నె మండలంలోని కొప్పలకొండలో రెండు ఇసుక ట్రాక్టర్లు పట్టుకున్నట్లు ఎస్ఐ గౌస్ మహమ్మద్ బాషా తెలిపారు. మంగళవారం ఎస్ఐ మాట్లాడుతూ కొప్పలకొండ వద్ద పెన్నానది నుంచి అనుమతి లేకుండా ఇసుక తరలిస్తున్న రెండు ట్రాక్టర్లను సీజ్ చేసి, నిందితులపై కేసు నమోదు చేశామన్నారు. మండలంలో ఎవరైనా చట్ట వ్యతిరేక కార్యకలాపాలకు పాల్పడితే చర్యలు తప్పవని హెచ్చరించారు.