సింగనమల లో జూదరుల అరెస్ట్
సింగనమల మండలం రాచేపల్లి గ్రామ సమీపంలో జూదం ఆడుతున్న వారిని ఆదివారం అరెస్ట్ చేసినట్లు సీఐ కౌలుట్లయ్య తెలిపారు. అనంతపురం, వైయస్సార్ జిల్లాలకు చెందిన 25 మందిని అరెస్టు చేశామన్నారు. వీరి వద్ద ఉన్న రూ. 13 లక్షల నగదు, రెండు ద్విచక్ర వాహనాలు, 25 చరవాణులను స్వాధీనం చేసుకొన్నట్లు వివరించారు. మండలంలో ఎవరైనా చట్ట వ్యతిరేక కార్యకలాపాలకు పాల్పడితే కఠిన చర్యలు తప్పవని హెచ్చరించారు.
