ఉరవకొండ: రోడ్డు ప్రమాదంలో వ్యక్తి మృతి

ఉరవకొండ శివారులో శుక్రవారం రాత్రి జరిగిన రోడ్డు ప్రమాదంలో వ్యక్తి మృతి చెందాడు. వజ్రకరూరు మండలం ధర్మపురి గ్రామానికి చెందిన కొండయ్య స్వగ్రామం నుంచి ద్విచక్ర వాహనంపై ఉరవకొండకు వస్తుండగా చాబాల రోడ్డులో బైక్ అదుపుతప్పి కిందపడ్డాడు. తీవ్రంగా గాయపడిన అతడిని 108లో ఉరవకొండకు తరలించారు. ప్రథమ చికిత్స అనంతరం పరిస్థితి విషమంగా ఉండటంతో అనంతపురం ఆసుపత్రికి తరలిస్తుండగా మార్గమధ్యలో మృతి చెందాడు.