రాష్ట్రస్థాయి కుస్తీ పోటీలకు ముప్పాళ్ళ విద్యార్థి ఎంపిక

ఈపూరు మండలం ముప్పాళ్ళ గ్రామంలోని ధనలక్ష్మి వ్యాయామ కళాశాలకు చెందిన సత్యనారాయణ నాయక్ రాష్ట్రస్థాయి కుస్తీ పోటీలకు ఎంపికైనట్లు ప్రిన్సిపల్ వెంకటేశ్వరరావు శనివారం తెలిపారు. స్కూల్లో ఆయన మాట్లాడుతూ ఈనెల 25న అచ్చంపేటలో జరిగిన పోటీల్లో విద్యార్థి గెలుపొందాడన్నారు. అనంతపురం జిల్లా కల్యాణదుర్గంలో జరిగే రాష్ట్ర స్థాయి పోటీల్లో పాల్గొంటారని తెలిపారు. సత్యనారాయణ నాయక్ ను కళాశాల యాజమాన్యం అభినందించారు.