పురుగు మందుల దుకాణాలు తనిఖీ

ప్రభుత్వం నిర్ణయించిన ధరలకే ఎరువులు, పురుగు మందులు అమ్మాలని రేపల్లె వ్యవసాయ శాఖ సహాయ సంచాలకులు విజయబాబు అన్నారు. సోమవారం రేపల్లె పట్టణంలోని ఎరువులు, పురుగుమందుల దుకాణాలను ఆయన తనిఖీ చేశారు. ఈ సందర్భంగా విజయబాబు మాట్లాడుతూ ఎరువులను అధిక ధరలకు అమ్మితే కఠిన చర్యలు తీసుకోవడంతో పాటు షాపు లైసెన్సును రద్దు చేస్తామన్నారు ఎరువుల దుకాణం ముందు సూచిక బోర్డును ఏర్పాటు చేసి స్టాక్ వివరాలను బోర్డుపై ఉంచాలన్నారు.