ప్రశాంతంగా వార్డు కార్యదర్శుల బదిలీల ప్రక్రియ

చిత్తూరు జిల్లాలోని నగర, పురపాలక సంఘాల పరిధిలోని వార్డు కార్యదర్శుల బదిలీల ప్రక్రియ.. చిత్తూరు నగరపాలక సంస్థ కార్యాలయంలో శుక్రవారం ప్రశాంతంగా జరిగింది. రాష్ట్ర ప్రభుత్వం నిర్దేశించిన మార్గదర్శకాల మేరకు.. నగర కమిషనర్ పి. నరసింహ ప్రసాద్ ఆధ్వర్యంలో కౌన్సెలింగ్ నిర్వహించారు. వివిధ కేటగిరీల్లో బదిలీల కోసం ఆన్లైన్లో దరఖాస్తు చేసుకున్న ఉద్యోగులు వారికి కేటాయించిన కౌంటర్లో రిజిస్ట్రేషన్ చేసుకుని సంబంధిత అధికారుల వద్ద కౌన్సెలింగ్ కు హాజరయ్యారు. వార్డు కార్యదర్శుల వారీగా క్యాటగిరి ప్రకారం కౌన్సిలింగ్ ప్రక్రియ సజావుగా పూర్తి చేశారు.