మోడల్ పోలింగ్ కేంద్రాలను పరిశీలించిన జిల్లా ఎన్నికల అధికారి

గూడూరు పట్టణంలోని మోడల్ పోలింగ్ స్టేషన్లు, స్ట్రాంగ్ రూం, ఎన్నికల మెటీరియల్ ను జిల్లా ఎన్నికల అధికారి ప్రవీణ్ కుమార్ ఆదివారం తనిఖీ చేశారు. ఈ సందర్భంగా ఆయన పట్టణంలోని జెడ్పీ బాలుర, బాలికల పాఠశాలలో, మున్సిపల్ సచివాలయంలో మోడల్ పోలింగ్ కేంద్రాలను పరిశీలించి అధికారులు, సిబ్బందికి పలు సూచనలు ఇచ్చారు. ఆయన వెంట గూడూరు డివిజన్ ఎన్నికల అధికారి ఎం. కిరణ్ కుమార్, సిబ్బంది పాల్గొన్నారు.