తిరుమల: శ్రీవారి సేవలో త్రిపుర గవర్నర్

తిరుమల శ్రీ వెంకటేశ్వరస్వామి దర్శనార్థం గురువారం వేకువజామున అర్చన సేవలో త్రిపుర గవర్నర్ ఇంద్రసేనా రెడ్డి పాల్గొని స్వామివారిని దర్శించుకున్నారు. ముందుగా త్రిపుర గవర్నర్ కు ఆలయం మహా ద్వారం వద్ద టీటీడీ అధికారులు స్వాగతం పలికి దర్శన ఏర్పాట్లు చేశారు. దర్శనం అనంతరం ఆలయ రంగనాయకులు మండపంలో వేద పండితులు వేద ఆశీర్వచనం చేయగా ఆలయ అధికారులు తీర్థప్రసాదాలు అందజేశారు.