రవాణా శాఖలో పని అవ్వాలంటే ఆఫీస్ చుట్టూ తిరగాల్సిందే

కాకినాడ జిల్లా రవాణా శాఖ కార్యాలయంలో కొందరి అధికారులు అలసత్వం వహిస్తున్నారు. బహిరంగ వేలంలో పాడుకున్న వాహనానికి రికార్డ్ కోసం దరఖాస్తు చేసుకున్న వ్యక్తిని అదే పనిగా ఆఫీస్ చుట్టూ తిప్పుతూ ముప్పుతిప్పలు పెడుతున్నారు. హెల్ప్ డెస్క్ లో ఇచ్చిన ఫైల్ నా దగ్గరకు రాలేదంటూ ఒక అధికారి మాట దాటవెస్తుంటే. సదరు దరఖాస్తు దారు అయ్యా పరిస్థితి ఇది అని పరిపాలన అధికారికి విన్నవిస్తే మళ్ళీ దరఖాస్తు పెట్టమంటు ఇప్పటికీ 3 సార్లు సెలవిచ్చారు. దీని పై ఉన్నత అధికారులు తక్షణమే స్పందించి అలసత్వం వహిస్తున్న అధికారులపై చర్యలు తీసుకోవాలని, దరఖాస్తు దారుల సమస్యలను సత్వరమే పరిష్కరించేందుకు చర్యలు చేపట్టాలని దరఖాస్తు దారులు కోరారు.