పెద్దాపురం: గంజాయి తరలిస్తున్న ఇద్దరు వ్యక్తులు అరెస్టు

పెద్దాపురం పట్టణ శివారులోని పాండవులమెట్ట వద్ద ద్విచక్రవాహనంపై సోమవారం గంజాయి తరలిస్తున్న ఇద్దరు వ్యక్తులను అదుపులోకి తీసుకున్నట్లు ఎస్ఐ మౌనిక తెలిపారు. పెద్దాపురం నుంచి రాజమహేంద్రవరం వైపు ద్విచక్ర వాహనంపై వీరు గంజాయి తరలిస్తున్నట్లు సమాచారం అందడంతో వారిని అదుపులోకి తీసుకున్నామన్నారు. వారి నుంచి 900 గ్రాముల గంజాయిని స్వాధీనం చేసుకొని కేసు నమోదు చేసినట్లు ఎస్ఐ మీడియాకు తెలిపారు.