కడియం: వ్యక్తిపై వీధి కుక్కల దాడి... తీవ్ర గాయాలు

మండల కేంద్రమైన కడియంలోని పెద్ద వినాయకుని గుడి వీధిలో కుక్కల దాడిలో సోమవారం రాత్రి ఒక వ్యక్తి తీవ్రంగా గాయపడ్డాడు. స్థానిక మేకల దిబ్బ ప్రాంతానికి చెందిన నాయుడు పై వీధి కుక్కలు దాడి చేసి తీవ్రంగా గాయపరిచాయి. వెంటనే స్థానికులు అతడిని ప్రభుత్వ ఆసుపత్రికి తరలించగా చికిత్స పొందుతున్నాడు. ఇప్పటికైనా సంబంధిత అధికారులు స్పందించి కుక్కల నియంత్రణకు చర్యలు చేపట్టాలని స్థానికులు కోరుతున్నారు.