కడియం: దుళ్లలో శాస్త్రోక్తంగా సరస్వతీ పూజ

కడియం మండలం దుళ్లలో శ్రీ శారదా దేవి శరన్నవరాత్రి ఉత్సవాలను వైభవంగా నిర్వహిస్తున్నారు. ఈ ఉత్సవాల్లో భాగంగా బుధవారం సరస్వతీ పూజలను శాస్త్రోక్తంగా నిర్వహించారు. సరస్వతీ దేవీ అలంకరణతో దర్శనం ఇచ్చిన అమ్మ వారికి వేద పండితుల మంత్రోఛ్చరణల మధ్య సుమారు వెయ్యి మంది విద్యార్థిని, విద్యార్థులతో ప్రత్యేక పూజలు జరిపారు. చిన్నారులుతో పాటు తల్లి తండ్రులు అధిక సంఖ్యలో పాల్గొని భక్తి శ్రద్ధలతో పూజలు జరిపించారు.