పెదనందిపాడు తహసిల్దారుగా శంకర్ బాబు నియామకం

గుంటూరు జిల్లా పెదనందిపాడు తహసిల్దారుగా పి శంకర్ బాబు బుధవారం పదవి బాధ్యతలు స్వీకరించారు. ఇటీవల తహసిల్దార్ బదిలీల్లో భాగంగా ఏపీ సెక్రటేరియట్ నుంచి బదిలీపై వచ్చినట్లు తెలిపారు. మండలంలోని ప్రజా సమస్యలు, రైతు సమస్యలు వివిధ సమస్యలను అవగాహన చేసుకుని సిబ్బంది సమన్వయంతో పరిష్కరించేందుకు కృషి చేస్తానని మీడియా ద్వారా వెల్లడించారు. తహసిల్దార్ శంకర్ బాబును సిబ్బంది స్వాగతించారు.