సత్తెనపల్లిలో 2 కిలోల గంజాయి పట్టివేత

సత్తెనపల్లి పట్టణ శివారులోని భీమవరంకు వెళ్లే దారిలో బుధవారం పోలీసులు రెండు కిలోల గంజాయిని పట్టుకున్నారు. పట్టణానికి చెందిన తన్నీరు అవడయ్య, విశాఖపట్నంకి చెందిన గోడే అప్పాలను అరెస్టు చేసి, కోర్టులో హాజరుపరిచి, రిమాండ్ కు తరలించారు. అసాంఘిక కార్యకలాపాలను సహించబోమని, సమాచారం ఇచ్చిన వారి వివరాలు గోప్యంగా ఉంచుతామని పల్నాడు ఎస్పీ కంచి శ్రీనివాసరావు తెలిపారు.