రెడ్‌బుక్‌ తెరిస్తే.. వైసీపీ నేతలు ఏపీలో ఉండలేరు: మంత్రి అనగాని

అగ్రిగోల్డ్‌ భూముల వ్యవహారంలో అధికారులతో చర్చించిన తర్వాతే కేసు పెట్టామని ఏపీ రెవెన్యూశాఖ మంత్రి అనగాని సత్యప్రసాద్‌ తెలిపారు. ఈ అంశంపై ఆధారాలున్నాయని చెప్పారు. "ప్రతిసారీ.. వైకాపా నేతలు రెడ్‌బుక్‌ అంటున్నారు. అది తెరిస్తే రాష్ట్రంలో వారు ఉండలేరు. గత ఐదేళ్లలో వైసీపీ నేతలు చేసిన అక్రమాలను బయటకు తీస్తాం. భూములపై వచ్చే ఫిర్యాదుల్లో 75శాతం వైకాపా నేతలపై వచ్చినవే.’’ అని అన్నారు.