శ్రీ వనదుర్గ అమ్మవారి ఆలయంలో ప్రత్యంగిర హోమం

కాకినాడ జిల్లా శంఖవరం మండలం అన్నవరం ప్రముఖ పుణ్యక్షేత్రమైన అన్నవరం శ్రీ వీర వెంకట సత్యనారాయణ స్వామి వారి దేవస్థానం క్షేత్ర పాలకురాలైన శ్రీ వనదుర్గ అమ్మవారి ఆలయంలో సోమవారం ప్రత్యంగిర హోమం కార్యక్రమం ఘనంగా నిర్వహించారు. ఈ రోజు కొత్త అమవాస్య సందర్భంగా ఈ కార్యక్రమంలో అధిక సంఖ్యలో దంపతులు పాల్గొని పూజలు చేశారు. వైదిక కమిటీ సభ్యులు పురోహితులు అర్చకుల ఆధ్వర్యంలో జరిపించే ప్రత్యంగిరా హోమం ఉదయం 9 గంటల నుంచి 11 గంటల వరకు సుదీర్ఘంగా రెండు గంటలపాటు నిర్వహించారు. పూజలో అన్ని రకాల పండ్లు పూజా ద్రవ్యాలు కలిపి మూటగట్టి పూర్ణాహుతితో అగ్ని దేవునికి సమర్పించి కార్యక్రమాన్ని నిర్వహించారు. అనంతరం ఆలయ అర్చకులు, భక్తులకు తీర్థప్రసాదాలు అందజేశారు. ఈ కార్యక్రమంలో ఐవి రామారావు, దేవస్థానం అధికారులు, గ్రామస్తులు, భక్తులు పాల్గొన్నారు.