ఉప్పలగుప్తం: సూపర్ సిక్స్ హామీలు అమలు చేయాలి

కూటమి ప్రభుత్వం ఎన్నికల్లో ప్రజలకు ఇచ్చిన సూపర్ సిక్స్ పథకాలను అమలు చేయాలని కాంగ్రెస్ పార్టీ వర్కింగ్ కమిటీ సభ్యుడు గిడుగు రుద్రరాజు డిమాండ్ చేశారు. ఉప్పలగుప్తంలో సోమవారం జరిగిన సమావేశంలో ఆయన మాట్లాడారు. ఎన్నికల్లో ఇచ్చిన సూపర్ సిక్స్ హామీలను నమ్మి ప్రజలు ఓట్లు వేశారన్నారు. వాటిని అమలు చేయడం లేదన్నారు. ఉచిత బస్సు హామీని వెంటనే అమలు చేయాలని, కరెంటు ఛార్జీల పెంపు ప్రతిపాదన విరమించుకోవాలన్నారు.