డ్రగ్స్ రహిత సమాజ నిర్మాణానికి పాటుపడాలి

డ్రగ్స్ రహిత సమాజ నిర్మాణానికి ప్రతి ఒక్కరు పాటుపడాలని సర్పంచ్ బి. వెంకటేశ్వరమ్మ పేర్కొన్నారు. సోమవారం ఘంటసాల గ్రామపంచాయతీ కార్యాలయం వద్ద డ్రగ్స్ ను వ్యతిరేకించాలని కోరుతూ పంచాయతీ, సచివాలయ సిబ్బంది ప్రతిజ్ఞ చేశారు. ఈ సందర్భంగా విఆర్వో శివ మాట్లాడుతూ, యువత చెడు వ్యసనాలకు బానిస కాకుండా ఉండాలని తెలిపారు. సన్మార్గంలో నడుచుకోవాలన్నారు. ఈ కార్యక్రమంలో పంచాయతీ కార్యదర్శి జయలక్ష్మి పాల్గొన్నారు.