అధికారుల నిర్లక్ష్యం రైతులపాలిట శాపంలా మారింది

అధికారుల నిర్లక్ష్యం రైతులపాలిట శాపంగా మారిందని సీపీఐ జిల్లా సహాయ కార్యదర్శి అడ్డాడ ప్రసాద్ బాబు అన్నారు. చల్లపల్లి మండలం మంగళాపురంలో గుర్రపుడెక్కతో ఉన్న డ్రెయిన్లను శుక్రవారం ఆయన పరిశీలించారు. ఈ సందర్భంగా మాట్లాడుతూ, డ్రైనేజీ వ్యవస్థ సరిగా లేనికారణంగానే ఇటీవల కురిసిన భారీ వర్షాలకు పంటలన్నీ నీట మునిగాయన్నారు. గుర్రపుడెక్క తొలగింపు పనులు సరిగా చేపట్టకపోవటంతో రైతులు ఇబ్బందులు పడాల్సి వస్తోందన్నారు.