అట్లాంటాలో ఎన్టీఆర్ విగ్రహాన్ని ఆవిష్కరించనున్న మంత్రి

అమెరికా పర్యటనలో ఉన్న ఏపీ మంత్రి నారా లోకేశ్ బిజీబిజీగా గడుపుతున్నారు. ఏపీకి పెట్టుబడులను ఆకర్షించడమే లక్ష్యంగా వివిధ కంపెనీల ప్రతినిధులతో వరుసగా భేటీ అవుతున్నారు. ఇదిలావుండగా అట్లాంటాలో ఏర్పాటు చేసిన ఎన్టీఆర్ కాంస్య విగ్రహాన్ని మంత్రి లోకేశ్ ఆవిష్కరించనున్నారు. దీపావళి పర్వదినం గురువారం (అక్టోబర్ 31) నాడు స్థానిక కాలమానం ప్రకారం ఉదయం 11 గంటలకు ఈ కార్యక్రమం జరగనుంది. ఎన్టీఆర్ ట్రస్ట్ అట్లాంటా, ఎన్టీఆర్ అభిమానుల ఆధ్వర్యంలో ఈ విగ్రహాన్ని ఏర్పాటు చేశారు.