ఎమ్మిగనూరు: గ్రామాల్లో బెల్టు షాపులు నిర్వహిస్తే చర్యలు

గోనెగండ్ల పోలీసు స్టేషన్ పరిధిలోని గ్రామాల్లో ఎవరైనా బెల్టు షాపులు నిర్వహిస్తే కఠిన చర్యలు తీసుకుంటామని సీఐ గంగాధర్ హెచ్చరించారు. శుక్రవారం గోనెగండ్ల పోలీస్ స్టేషన్ లో ఆయన మాట్లాడారు. గోనెగండ్లలో ప్రభుత్వ అనుమతి పొందిన మూడు మద్యం షాపులు ఉన్నాయన్నారు. ఈ షాపులకు అనుబంధంగా గ్రామాల్లో బెల్టు షాపులు నిర్వహిస్తే కేసులు నమోదు చేస్తామన్నారు. ఎక్కడైనా బెల్టు షాపులు నడుపుతున్నట్లయితే సమాచారం ఇవ్వాలన్నారు.