వీధి కుక్కల నియంత్రణకు నిరంతరం చర్యలు

నెల్లూరు నగర పాలక సంస్థ పరిధిలో వీధి కుక్కల నియంత్రణకు నిరంతరం కఠిన చర్యలు తీసుకుంటున్నామని మేయర్ స్రవంతి తెలియజేసారు. నెల్లూరు పాత మున్సిపల్ కార్యాలయం ప్రాంగణంలోని వెటర్నరీ విభాగాన్ని మేయర్ బుధవారం పరిశీలించారు. ఈ సందర్భంగా మేయర్ మాట్లాడుతూ.. వీధి కుక్కల నియంత్రణకు ప్రజలనుంచి ఎక్కువగా ఫిర్యాదులు అందుతున్నాయని, వాటిని పరిష్కరించేందుకు ప్రత్యేక బృందాల ఆధ్వర్యంలో చర్యలు చేపడుతున్నామని తెలిపారు.