భారీ పడవలను ముక్కలు చేయనున్న అధికారులు

ప్రకాశం బ్యారేజీ వద్ద రెండో రోజు పడవల తొలగింపు ప్రక్రియ కొనసాగుతోంది. మంగళవారం భారీ క్రేన్లతో తొలగించేందుకు తీవ్రంగా ప్రయత్నించిన విఫలమైంది. 40 టన్నుల బరువున్న భారీ పడవలు చిక్కుకుని కదలకపోవడంతో ప్రభుత్వం ఓ నిర్ణయం తీసుకుంది. పడవలను కట్టర్లతో ముక్కలు చేసే డైవింగ్ టీమ్‌లను అధికారులు రప్పించారు. విశాఖ నుంచి పదిమంది సభ్యుల డైవింగ్ టీమ్ విజయవాడకు చేరుకుంది. ఆక్సిజన్ సిలిండర్లతో నది లోపలికి వెళ్లి పడవలను రెండు ముక్కలుగా ఈ బృందం కోయనుంది.