వేపాడ: విద్యార్థుల అభ్యసన సామర్థ్యాన్ని పరిశీలించిన ఎంఈఓ

వేపాడ మండలం బక్కునాయుడుపేట కస్తూరిబా పాఠశాలను ఎంఈఓలు పి.బాల భాస్కరరావు, జి.జగదీశ్వరరావు సంయుక్తంగా సోమవారం సందర్శించారు. తరగతుల వారిగా ఆయా సబ్జెక్టుల వారీగా విద్యార్థుల అభ్యసన సామర్థ్యాన్ని పరిశీలించారు. పరీక్ష ఫలితాలను రాష్ట్ర స్థాయి అధికారులకు నివేదించనున్నట్లు తెలిపారు. అనంతరం విద్యార్థులకు అందజేస్తున్న మధ్యాహ్న భోజనాన్ని పరిశీలించి మెనూ సక్రమంగా అమలు చేయాలని కోరారు. పాఠశాల సిబ్బంది పాల్గొన్నారు.