ఈదురు గాలులతో కూడిన వర్షం

సింగరాయకొండ మండలంలో బంగాళాఖాతంలో ఏర్పడిన అల్పపీడన ప్రభావంతో ఎడతెరిపి లేకుండా శనివారం తెల్లవారుజామున నుండి వర్షాలు కురుస్తున్నాయి. ఈ నేపథ్యంలో ఒక్కసారిగా ఈదురు గాలులతో భారీ వర్షం కురిసింది. గ్రామాల్లో రోడ్లన్నీ నిండుకుండలా తలపిస్తున్నాయి. కొన్ని రోజులుగా వర్షాలు లేక ఇబ్బంది పడుతున్న రైతులు సంతోషం వ్యక్తం చేస్తున్నారు. విద్యుత్ అధికారులు విద్యుత్ సరఫరాకు అంతరాయం లేకుండా చర్యలు చేపట్టారు.