లారీ బోల్తా.. భారీగా ట్రాఫిక్ జామ్
ప్రకాశం జిల్లా గిద్దలూరు మండలం దిగువ మెట్ట నల్లమల్ల అటవీ ప్రాంతంలో మంగళవారం తెల్లవారుజామున ఉల్లిపాయలోడుతో నంద్యాల నుంచి గుంటూరుకు వెళుతున్న లారీ పాత రైల్వే వంతెనను ఢీకొని బోల్తా పడింది. ఈ ఘటనలో లారీ డ్రైవర్ కు స్వల్ప గాయాలయ్యాయి. రోడ్డుకు అడ్డంగా లారీ పడిపోవడంతో ఆ ప్రాంతంలో భారీగా ట్రాఫిక్ కు అంతరాయం ఏర్పడింది. పోలీసులు సంఘటన స్థలానికి చేరుకొని ట్రాఫిక్ క్లియర్ చేసేందుకు ప్రయత్నిస్తున్నారు.
