రెడ్ అలర్ట్: 109 మండలాల్లో తీవ్ర వడగాలులు

ఏపీలో ఎండలు మండిపోతున్నాయి. శుక్రవారం ఏకంగా 109 మండలాల్లో తీవ్ర వడగాలులు, 206 మండలాల్లో వడగాలులు వీచే అవకాశం ఉందని రాష్ట్ర విపత్తు నిర్వహణ సంస్థ తెలిపింది. శనివారం 115 మండలాల్లో తీవ్ర వడగాలులు, 245 మండలాల్లో వడగాలులు వీస్తాయని పేర్కొంది. ఈ మేరకు ఆయా మండలాలకు రెడ్ అలర్ట్ జారీ చేశారు. ప్రజలు అప్రమత్తంగా ఉండాలని, ఇంటి నుంచి బయటకు వెళ్లేటప్పుడు జాగ్రత్తలు పాటించాలని సూచించింది.