ఆముదాలవలస: తాగునీరు బోరు బాగు చేయండి

ఆముదాలవలస ప్రభుత్వ జూనియర్ కళాశాల, ప్రభుత్వ ఉన్నత పాఠశాల క్రీడా ప్రాంగణం వద్ద ఉన్న త్రాగునీటి బోరు మరమ్మత్తులకు గురైంది. దసరా సెలవులు అయినప్పటికీ ప్రభుత్వ పాఠశాలకు ఆనుకొని ఉన్న అంగన్వాడీ కేంద్రంకు, క్రీడా ప్రాంగణం వద్ద ఆడుకునేందుకు వచ్చిన క్రీడాకారులకు త్రాగునీటి సమస్య ఏర్పడింది. గత రెండు రోజులుగా త్రాగునీటి బోరు మరమ్మత్తులకు గురైందని స్థానికులు బుధవారం తెలిపారు. అధికారులు స్పందించాలని కోరుతున్నారు.