మెప్మా అర్బన్ మార్కెట్ ను ప్రారంభించిన ఎమ్మెల్యే

ఆముదాలవలస పట్టణంలో పాత మీసేవ కేంద్రం పక్కన సోమవారం మెప్మా అర్బన్ బజార్ ప్రారంభోత్సవం జరిగింది. ఎమ్మెల్యే కూన రవికుమార్ చేతుల మీదుగా ఈ ప్రారంభోత్సవం నిర్వహించారు. పొదుపు సంఘాల ఆధ్వర్యంలో తయారు చేసిన వివిధ వస్తువులను ఇందులో అమ్ముతారని ఎమ్మెల్యే అన్నారు. ఈ సందర్భంగా స్వచ్ఛత హి సేవ ప్రతిజ్ఞ కార్యక్రమం నిర్వహించారు. పట్టణ పేదరిక నిర్మూలన కోసం ఇటువంటి కార్యక్రమాలు నిర్వహిస్తున్నట్లు తెలిపారు.