రైలు నుంచి జారి పడి యువకుడు మృతి

జి.సిగడాం మండలం ఆనందపురం గ్రామంకు చెందిన గొప్ప ధనుంజయ రావు(26) అనే యువకుడు రైలు నుంచి కిందకు జారి పడి మృతి చెందారు. గుంటూరులోని మిర్చి యార్డులో కూలి పనుల కోసం వెళ్తుండగా ఆదివారం విజయనగరం జిల్లా నెలిమర్ల రైల్వేస్టేషన్ దగ్గరికి వచ్చే సరికి ఫుట్ పాత్ వద్ద నిల్చొని ఉన్న అతను ప్రమాదవశాత్తు కాలు జారి పడి మృతి చెందాడు. రైల్వే పోలీసులు కేసు నమోదు చేశారు. మృతుడికి భార్య, రెండేళ్ల కుమార్తె, ఆరు నెలల కుమారుడు ఉన్నారు.