శ్రీముఖలింగేశ్వరుని సన్నిధిలో ఆర్డీవో రంగయ్య

జలుమూరు మండలంలోని శ్రీముఖ లింగంలో కొలువైన శ్రీముఖలింగేశ్వర స్వామిని శ్రీకాకుళం డివిజనల్ రెవెన్యూ అధికారి సిహెచ్ రంగయ్య దర్శించుకున్నారు. బుధవారం ఆలయానికి చేరుకున్న ఆయనకు స్థానిక దేవాదాయ శాఖ సిబ్బంది సాదర స్వాగతం పలికారు. ఈ సందర్భంగా స్వామివారిని దర్శించుకుని పూజలు నిర్వహించారు. అనంతరం ఆలయ విశిష్టతను స్థానిక అర్చకులు ఆయనకు తెలిపారు. ఆయనతో పాటు జలుమూరు తహశీల్దార్ పాల్గొన్నారు.