మక్కువ: విద్యుత్ స్తంభంపై నుంచి పడి వ్యక్తి మృతి
మక్కువ మండలంలోని చెముడు గ్రామానికి చెందిన కోట శంకర్రావు ( 49) విద్యుత్ స్తంభంపై నుండి పడి మృతి చెందారు. గ్రామంలో ఇతను విద్యుత్ పనులు చేస్తుంటాడు. గురువారం చెముడు గ్రామానికి చెందిన ఓ ఇంటికి కరెంటు లేకపోవడంతో శంకర్రావు కరెంట్ పోల్ ఎక్కి బాగు చేస్తుండగా ప్రమాదవశాత్తు పట్టు తప్పి పోల్ పై నుండి కింద పడిపోయారు. తల వెనుక తీవ్ర గాయం కావడంతో ఆసుపత్రికి తరలిస్తుండగా మార్గ మధ్యలో మరణించినట్లు స్థానికులు తెలిపారు.
