సింహాచలంలో పుట్టి ఓ వెలుగు వెలిగిన కులశేఖర్‌

ప్రముఖ గీత రచయిత కులశేఖర్‌ హైదరాబాద్‌లో మంగళవారం కన్నుమూశారు. ఆగస్టు 15, 1971లో ఆయన విశాఖ జిల్లా సింహాచలంలో జన్మించారు. ఆయన సింహాచలం కేంద్రంగా ఓ ప్రముఖ పత్రికలో విలేకరిగా పనిచేశారు. సాహిత్యంపై ఆసక్తి ఉండడంతో సిరివెన్నెల సీతారామశాస్త్రి దగ్గర శిష్యరికం చేస్తూ సినీ గీతాల రచనలో మెళకువలు తెలుసుకున్నారు. తర్వాత తేజ దర్శకత్వంలో రామోజీరావు నిర్మించిన 'చిత్రం’ సినిమాతో గేయ రచయితగా పరిచయం అయ్యాడు.