నేడే మున్సిపల్ రెండో వైస్ చైర్ పర్సన్ ఎన్నిక ప్రక్రియ

ఎలమంచిలి మున్సిపల్ రెండో వైస్ చైర్ పర్సన్ ఎన్నిక ఉదయం 10 గంటలకు నుండి జరగనుందని మున్సిపల్ కమిషనర్ కృష్ణవేణి తెలిపారు. ప్రభుత్వం ఇటీవల మున్సిపాలిటీలకు రెండో వైస్ చైర్ పర్సన్ పదవి ఇస్తున్నట్లు ప్రకటించింది. మున్సిపల్ ఎన్నికలు ముగిసిన తర్వాత మున్సిపల్ చైర్ పర్సన్ గా రమా కుమారి తర్వాత వైస్ చైర్ పర్సన్ గా బెజవాడ నాగేశ్వరరావు , మిగిలిన కౌన్సిలర్లుపదవీ ప్రమాణ స్వీకారం చేయగా మరికొంత కాలానికి నామినేటెడ్ మునిసిపల్ కోఆప్షన్ సభ్యులను ముగ్గురిని ఎన్నుకున్నారు. కాగా రెండో వైస్ చైర్పర్సన్ ఎన్నికల ప్రక్రియకు సంబంధించి నోటిఫికేషన్ జారీ అయింది. ఈ సందర్భంగా ఎలమంచిలి మున్సిపల్ ఎలక్షన్ ఆఫీసర్ గా అనకాపల్లి ఆర్టీవో సీతారామారావు ను ప్రభుత్వం నియమించినట్లు మున్సిపల్ కమిషనర్ కృష్ణవేణి తెలిపారు.