అక్రమంగా ఇసుక తరలిస్తున్న నాలుగు ట్రాక్టర్లు సీజ్
ఎటువంటి అనుమతులు లేకుండా పోలవరం మండలం ప్రగడపల్లి సమీపంలోని కొవ్వాడ కాలువ నుండి అక్రమంగా ఇసుక తరలిస్తున్న నాలుగు ట్రాక్టర్లను శనివారం పోలీసులు అదుపులోకి తీసుకున్నారు. ఈ సందర్భంగా ఎస్ఐ పవన్ కుమార్ మాట్లాడుతూ. అక్రమంగా ఇసుక తవ్వకాలకు పాల్పడితే కఠిన చర్యలు తప్పవని హెచ్చరించారు. అనంతరం ట్రాక్టర్లను స్టేషన్ కు తరలించి కేసు నమోదు చేశారు.
