భర్త హత్య తట్టుకోలేక భార్య మృతి

ఏపీలోని అనంతపురంలో జేఎన్టీయూ సమీపంలో మూర్తిరావు గోఖలే అనే మాజీ ప్రిన్సిపాల్‌ను మేనల్లుడు ఆదిత్య గొంతుకోసి హత్య చేశాడు. భర్త మృతిని తట్టుకోలేకపోయిన మూర్తి భార్య శోభ అర్ధరాత్రి సమయంలో గుండెపోటుతో కన్నుమూశారు. ఈ ఘటన స్థానికంగా తీవ్ర విషాదాన్ని నింపింది. ఉద్యోగం ఇప్పిస్తానని మూర్తి నిందితుడి వద్ద గతంలో డబ్బులు తీసుకున్నారని, ఆ విషయంలో మాటామాటా పెరిగి గొడవ జరగడంతోనే హత్య జరిగిందని పోలీసులు తెలిపారు.