‘గుడిలో 228 కిలోల బంగారం మాయం’

ఉత్తరాఖండ్‌లోని కేదార్‌నాథ్ దేవాలయంలో 228 కిలోల బంగారం అదృశ్యమైందని జ్యోతిర్మఠం శంకరాచార్య స్వామి అవిముక్తేశ్వరానంద ఆరోపించారు. ఇక్కడ కుంభకోణం చేసి, ఢిల్లీలో మరో కేదార్‌నాథ్‌ను నిర్మిస్తారా? అక్కడ మరో కుంభకోణానికి పాల్పడతారా? అని ప్రశ్నించారు. ఈ కుంభకోణంపై దర్యాప్తు జరగడం లేదని, దీనికి ఎవరు బాధ్యత వహిస్తారని నిలదీశారు. ఢిల్లీలో కేదార్‌నాథ్ నిర్మించడం జరిగే పని కాదన్నారు.