తలమడుగు: మద్యం మత్తులో వాగులో దూకి ఆత్మహత్య
మద్యం మత్తులో వాగులో దూకి ఆత్మహత్య చేసుకున్న ఘటన తలమడుగు మండలంలో చోటుచేసుకుంది. పోలీసులు తెలిపిన వివరాల ప్రకారం. మండలంలోని సుంకిడి గ్రామానికి చెందిన ఆర్. నాగన్న (40) మద్యానికి బానిస అయ్యాడు. కాగా ఆదివారం మద్యం మత్తులో స్థానిక సుంకిడి బ్రిడ్జి పై నుంచి నీటిలో దూకడంతో మునిగి చనిపోయాడు. జాలర్ల సాయంతో మృతదేహాన్ని బయటకి తీశారు. మృతుడి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నారు.
