ఢిల్లీ మాజీ సీఎం కేజ్రీవాల్‌పై మరో కేసు నమోదు

ఆమ్‌ఆద్మీ పార్టీ చీఫ్, ఢిల్లీ మాజీ సీఎం కేజ్రీవాల్‌‌పై ఎఫ్‌ఐఆర్‌ నమోదైంది. 2019లో ద్వారకలో భారీ హోర్డింగ్‌లు ఏర్పాటుచేయడానికి ప్రజానిధులు దుర్వినియోగం చేశారని ఆరోపిస్తూ ఢిల్లీ రౌజ్‌అవెన్యూ కోర్టులో పిటిషన్ దాఖలైంది. ఇందులోభాగంగా ఢిల్లీ పోలీసులు కేజ్రీవాల్‌పై ఎఫ్‌ఐఆర్‌ నమోదు చేశారు. ఈ కేసుకు సంబంధించిన విచారణ జరుగుతోందని, మరింత సమయం కావాలని కోర్టును అభ్యర్థించారు. దీంతో తదుపరి విచారణను కోర్టు వచ్చే నెల 18కి వాయిదా వేసింది.