CM రేవంత్ రెడ్డిపై BRS ఎమ్మెల్యే వివేకానంద ఆగ్రహం

సీఎం రేవంత్ రెడ్డిపై బీఆర్ఎస్ ఎమ్మెల్యే వివేకానంద మండిపడ్డారు. కేటీఆర్ భాష మార్చుకోవాలని కాంగ్రెస్ వాళ్లు అంటుంటే ప్రజలు ముక్కున వేలేసుకుంటున్నారన్నారు. సీఎం రేవంత్ రెడ్డి భాష సరిదిద్దుకోవాలని భట్టి ఏ రోజైనా సూచించారా? అని ప్రశ్నించారు. కేసీఆర్ వయసుకు కూడా గౌరవం ఇవ్వకుండా నీచంగా, ఘోరంగా రేవంత్ రెడ్డి మాట్లాడిన మాటలను భట్టికి గుర్తు చేస్తున్నానని తెలిపారు. అవసరమైతే సీఎంకి భట్టి శిక్షణ తరగతులు నిర్వహించవచ్చన్నారు.