డయేరియా అనేది పసిపిల్లల నుంచి ముసలివారి వరకు అన్ని వయసుల వారికి వచ్చే సాధారణ వ్యాధి. ఇందులో ముఖ్యంగా రెండు రకాలున్నాయి. ఒకటి నీళ్ల విరేచనాలు. దీన్ని ‘నార్మల్ డయేరియా’ అంటారు. రెండోది.. రక్తం, బంకతో వచ్చే విరేచనాలు- దీన్ని ‘డిసెంట్రీ’ అంటారు. పిల్లల్లో వచ్చే డయేరియాకు ‘రోటా వైరస్’, పెద్దవాళ్లలో వచ్చే డయేరియాకు ‘నోరో వైరస్’లు కారణం. ఇవేకాకుండా రకరకాల ఫంగల్ ఇన్ఫెక్షన్లు, జీర్ణ వ్యవస్థ దెబ్బ తినడం, ఫుడ్ పాయిజనింగ్ లాంటివి కూడా కారణమవుతాయి.