ఫ్యాక్టరీలో పేలుడు.. కార్మికులకు గాయాలు (వీడియో)

హర్యానాలోని రేవారీ జిల్లాలోని ధరుహేరా పారిశ్రామిక ప్రాంతంలోని ఒక ఫ్యాక్టరీలో శనివారం సాయంత్రం బాయిలర్ పేలుడు కారణంగా 100 మందికి పైగా కార్మికులు గాయపడ్డారు. వారిలో 30 మందికి తీవ్రంగా కాలిన గాయాలయ్యాయి. బాధితులను స్థానిక ఆసుపత్రికి హుటాహుటిన అధికారులు తరలించారు. పోలీసులు, అధికారులు కూడా సంఘటనా స్థలానికి చేరుకుని పరిస్థితిని సమీక్షించారు. ట్రామా సెంటర్‌లోని వైద్యులను అప్రమత్తం చేశారు.