భద్రాచలం వద్ద మొదటి ప్రమాద హెచ్చరిక జారీ

ఎగువ ప్రాంతంలోని కాళేశ్వరం వైపు నుంచి భారీగా వరద వస్తుండడంతో భద్రాచలం వద్ద గోదావరి ఉప్పొంగుతోంది. బుధవారం మధ్యాహ్నం ఒంటి గంటకు 43 అడుగుల నీటిమట్టం నమోదు అయ్యింది. ఈ క్రమంలో మొదటి ప్రమాద హెచ్చరిక అమల్లోకి వచ్చినట్లు కలెక్టర్‌ జితేశ్‌ వి పాటిల్‌ ప్రకటించారు. సాయంత్రం 4 గంటలకు వరద మరింత పెరిగి 44.1 అడుగులకు చేరింది. దీంతో భద్రాచలంలో గోదావరి కరకట్టపైకి యాత్రికుల రాకను పోలీసులు నిలిపివేశారు.