చైనా ఫోన్లకు ఐఫోన్ స్టిక్కర్లు అంటించి మోసం

డబ్బు సంపాదనే లక్ష్యంగా కొందరు అడ్డదారులు తొక్కుతున్నారు. ఫలితంగా పోలీసులకు చిక్కి కటకటాలపాలవుతున్నారు. తాజాగా హైదరాబాద్‌ నగరంలో నకిలీ ఐఫోన్లు విక్రయిస్తూ మోసాలకు పాల్పడుతున్న ముఠాను టాస్క్‌ఫోర్స్ పోలీసులు అరెస్టు చేశారు. అబిడ్స్‌లోని జగదీశ్‌ మార్కెట్‌లో సోదాలు నిర్వహించిన పోలీసులు.. రూ.3 కోట్లు విలువ చేసే నకిలీ ఐఫోన్ పరికరాలను స్వాధీనం చేసుకున్నారు. చైనా మేడ్ ఫోన్లకు ఐఫోన్ స్టిక్కర్‌ అంటించి అమ్మకాలు జరుపుతున్నట్లు గుర్తించారు.